پہلا کوہاٹ پریس کلب سنوکر ٹورنامنٹ آخری مرحلے میں داخل ھوگیا، دوسرا سیمی فائنل بشیر جان نے جیت کر فائنل کیلئے کوالیفائی کر لیا۔ اعجاز اورکزئی اور بشیر جان کے درمیان کھیلے گئے بیسٹ آف تھری میچ کے پہلے دونوں سیٹس بشیر جان نے جیت لئے۔میچ کے مہمان خصوصی درہ آدم خیل سے تعلق رکھنے والے ممتاز سماجی رہنماء حاجی ہدایت اللہ آفریدی تھے جنہوں نے ممتاز قانون دان خورشید خٹک، وزیرآفریدی اور دیگر دوستوں کے ہمراہ ونر اور رنراپ ٹرافیاں کھلاڑیوں میں تقسیم کیں اور ٹورنامنٹ کے لئے 15 ہزار روپے دیئے۔ اس موقع پراپنے خطاب میں انہوں صحافی برادری کی خدمات کو سراہا اور آئندہ کیلئے بھی اپنی جانب سے مکمل تعاون کا یقین دلایا۔ ٹورنامنٹ کا فائنل میچ بشیر جان اور منور اورکزئی کے درمیان کھیلا جائے گا۔ فائنل میچ کے مہمان خصوصی ضلع ناظم کوہاٹ محمد نسیم آفریدی ہوں گے۔
Post A Comment:
0 comments so far,add yours